Спартыўная хадзьба

Дадаць закладку

Спартыўная хадзьба - гэта адзін з відаў фізічнай нагрузкі. Аб'екты адпачынку прапануюць заняткі спартыўнай хадзьбой па праграмах Nordic walking (нардычная хадзьба) і Power walking. Гэта найбольш даступныя віды спорту, займацца якімі можна незалежна ад узросту і ўзроўня фізічнай падрыхтаванасці.
Nordic walking - “паўночная хадзьба” - “нардычная хадзьба” - альтэрнатыва кардыётрэнажорам на свежым паветры. Для заняткаў нардычнай хадзьбой патрабуюцца спецыяльныя трэкінгавыя (тэлескапічныя) палкі, якія рэгулююцца пад рост чалавека. У параўнанні са звычайнай хадзьбой, хадзьба з палкамі патрабуе на 30% больш выдаткаў энергіі, забяспечвае добрую нагрузку на цягліцы корпусу і шыйна-плечавы апарат, не перагружае суставы і калены, таму яна бяспечная для людзей, якія пакутуюць рэўматызмам.
Power walking - разнавіднасць спартыўнай хадзьбы на адкрытым паветры. Для заняткаў не патрабуецца дадатковага спартовага інвентара. Інтэнсіўнасць заняткаў вызначаецца ўзроўнем падрыхтаванасці тых, хто займаецца, і можа складацца з элементаў бегу і практыкаваннях для розных груп цягліц.

Любы з відаў хадзьбы не толькі літуе суставы, але і выдатна прапрацоўвае цягліцы грудзі, спіны, ног і ягадзіц. Вельмі важна выконваць правільную тэхніку кроку, якой Вас навучыць інструктар. Ён таксама навучыць правільна дазаваць і кантраляваць нагрузку, азнаёміць з мясцовымі маршрутамі. Трэніроўкі могуць праводзіцца ў групе ці індывідуальна.
Сістэматычныя заняткі адным з відаў хадзьбы спрыяюць паляпшэнню фізічнага стану арганізму, павялічваюць імунітэт і агульную цягавітасць, умацоўваюць цягліцы і падтрымліваюць іх у тонусе. Змяншаюць рыск развіцця ўзроставых парушэнняў абмену рэчываў, у тым ліку абараняюць жанчын ад астэапарозу, спрыяюць павышэнню шчыльнасці касцяных тканін, бо пры ўмераных фізічных нагрузках узрастае здольнасць арганізма засвойваць кальцый. Хадзьба трэніруе сардэчна-сасудзістую сістэму, стымулюе кровазварот і работу ўнутраных органаў, змяншае ўзровень халестэрыну ў крыві і перашкаджае развіццю захворванняў сасудаў, скарачае рыск ўзнікнення сардэчна-сасудзістай паталогіі (інфаркту), запавольвае працэсы старэння арганізма. Паляпшае стан скуры - дзякуючы трэніроўкам на свежым паветры клеткі інтэнсіўней насычаюцца кіслародам і эфектыўней чысцяцца ад таксінаў. Спартыўная хадзьба ў інтэнсіўным тэмпе па перасечанай мясцовасці спальвае больш калорый, чым бег трушком, паколькі рэзкія крокі патрабуюць больш значных намаганняў.