Псіхатэрапія

Дадаць закладку

Псіхатэрапія (ад грэч. «душа», «дух» + грэч. «лячэнне», «аздараўленне») — сістэма лячэбнага ўздзеяння на псіхіку і праз псіхіку на арганізм чалавека. Часта вызначаецца як дзейнасць, накіраваная на збавенне чалавека ад розных праблем (эмацыйных, асобасных, сацыяльных, і т.п.).
Праводзіцца як правіла спецылістам-псіхатэрапеўтам шляхам усталявання глыбокага асабістага кантакту з пацыентам (часта шляхам гутарак і абмеркаванняў), а таксама ўжываннем розных кагнітыўных методык, таксама методык паводзін.
Псіхасугестыўная аэратэрапія (ароматэрапія) пабудавана на распыленні эфірных маслаў з заспакаяльным эфектам. Адпачывальнікі ў зручных крэслах удыхаюць водары эфірных маслаў пад гучанне спецыяльнай лячэбнай музыкі.
Псіхарэлаксацыя - метад псіхатэрапіі, у аснове якога ляжыць выкарыстанне розных псіхалагічных прыёмаў для дасягнення стану нервова-цягліцавага паслаблення (рэлаксацыі). Найбольш вядомымі сярод метадаў псіхарэлаксацыі з'яўляюцца прагрэсавальная цягліцавая рэлаксацыя, аўтагенная трэніроўка, медытацыя, методыка біялагічнай зваротнай сувязі (БОС).
Арт-тэрапія - метад псіхатэрапіі, які выкарыстоўвае для лячэння і псіхакарэкцыі мастацкія прыёмы і творчасць, такія як маляванне, лепка, музыка, фатаграфія, кінафільмы, кнігі, акцёрскае майстэрства, стварэнне гісторый і іншае.