Фестываль святла пройдзе ў Хельсінкі

З 6 па 10 студзеня ў Хельсінкі будзе праходзіць штогадовы фестываль святла - Lux Helsinki. Ён парадуе жыхароў сталіцы Фінляндыі і шматлікіх турыстаў светлавымі інсталяцыямі і зробіць цэнтр горада літаральна зіхоткім ў самы цёмны час года. Мерапрыемствы фестывалю будуць праходзіць кожны дзень з 17:00 да 22:00.

На Сенацкай плошчы (Senaatintori) і на вуліцы Аннанкату (Annankatu), якая на час фестывалю стане пешаходнай, гасцям будзе прапанавана разнастайная вулічная ежа: карэйская, тайская, бельгійская і г.д. 19 рэстаранаў і кафэ, размешчаных побач з месцам правядзення фестывалю, падрыхтавалі для публікі спецыяльныя фестывальныя прапановы. Спадарожная бясплатная праграма з цікавымі прапановамі для людзей усіх узростаў ўключае ў сябе майстар-класы і бясплатныя пешаходныя экскурсіі ў суправаджэнні гіда, у тым ліку - на рускай мове. Фестываль Lux Helsinki будзе цікавы для ўсёй сям'і, уваход на мерапрыемства вольны.