<>У Еўропе пачаўся сезон спродажаў

Першым сезон зніжак адкрыла сталіца моды. Крамы Францыі пачалі завабліваць аматараў шопінгу спродажамі 24 чэрвеня. У большасці буцікаў краіны акцыі падоўжацца 6 тыдняў, да 4 жніўня.
Пад канец чэрвеня распрадажы таксама пачнуцца ў Вялікабрытаніі: купіць рэчы са зніжкай на Імглістым Альбіёне можна да сярэдзіны ліпеня, аднак дакладнай даты сканчэння акцый няма.
Цягам ліпеня скідкі будуць таксама ў большасці крам Італіі. Пры гэтым спродажы пачынаюцца ў розных правінцыях краіны ў розныя дні. Апроч таго, у самы гарачы месяц года будзе па-сапраўднаму горача ў крамах Іспаніі і Бельгіі. А вось у Германіі скідкі — самаахвотная справа, і кожная крама ўсталёўвае тэрміны спродажаў па ўласным меркаванні.