Унікальная Ліпская пячора ў Чарнагорыі рыхтуецца прыняць наведнікаў

Унікальны помнік прыроды — Ліпская пячора, што знаходзіцца каля вёскі Добрско Сяло ў горным масіве Бельведэр, — будзе першай спелеалагічнай славутасцю, якую адкрыюць для турыстаў.
Доўгі час пячора, выяўленая яшчэ ў канцы 19 стагоддзя, была зачыненым месцам для аматараў харостваў падземнага свету. Не пускалі туды турыстаў з меркаванняў бяспекі, да таго ж на тэрыторыі пячоры працавалі навукоўцы-спелеолагі. Вывучэнне помніка прыроды працягваецца і дасёння, мноства зацішных і цяжкадаступных месцаў пячоры па-ранейшаму застаюцца недаследаванымі.
З 3500 метраў, даследаваных спелеолагамі, турысты ўбачаць толькі двухкіламятровы адрэзак. Залы і калідоры Ліпскай пячоры размешчаны на некалькіх ярусах, якія злучаны паміж сабой каналамі, утворанымі падземнымі водамі. Турыстам пакажуць Уваходны канал, Залу Нягоша, Крышталічны пакой і галерэю з басейнам.
Для выгоды вывучэння падземнага свету ў скальных масівах былі высечаны ўсходы, пракладзены сцежкі, уладкаваны месцы для прыпынкаў і адпачынку. Так, прыкладам, людзі працягнулі працу прыроды, упарадкаваўшы падземны басейн у адной з галерэй.