У Амстэрдаме адкрыўся першы ў свеце інтэрактыўны заапарк мікробаў «Мікрапія»

Першы ў свеце інтэрактыўны заапарк мікробаў размешчаны побач з гарадскім заапаркам «Artis». Заапарк мікробаў ўяўляе сабой прасторную лабараторыю, дзе ў якасці экспанатаў выступаюць мікраскопы, падлучаныя да вялікіх экранаў. З дапамогай манітораў наведвальнікі могуць паназіраць за жыццём бактэрый у кубках Петры, убачыць гіганцкую мадэль віруса Эбола, а таксама паглядзець на размнажэнне мікраарганізмаў праз трохмерны мікраскоп.
Акрамя таго, у лабараторыі усталяваны сканар, які паказвае, колькі мікробаў ў дадзены момант знаходзіцца на целе наведвальніка. Завяршае экспазіцыю інтэрактыўны экспанат «Kiss-o-meter», з дапамогай якога можна даведацца, колькі бактэрый перадаецца падчас пацалунку.

Адрас: Нідэрланды, Амстэрдам, PlantageKerklaan 36-38.