Берлін названы лепшым горадам для забаў

Па даследаваннях, праведзеных GetYourGuide — сайта водгукаў аб падарожжах, і GoEuro — агента па браніраванню, Берлін названы самым «вясёлым» горадам у свеце. Такую выснову GetYourGuide і GoEuro зрабілі, прааналізаваўшы дадзеныя розных сайтаў такіх, як TripAdvisor і Yelp, і апытаўшы больш за 2000 чалавек.

Берлін паказаў лепшыя вынікі ў 5 катэгорыях: бары, клубы, шопінг, забавы для дарослых і актыўныя забавы і заняў першае месца сярод 1800 гарадоў свету. Акрамя таго, улічваліся кошт піва і магчымасць распіваць спіртныя напоі на публіцы. На другім месцы рэйтынгу размясціўся Лондан, на трэцім — Парыж.

Што тычыцца іншых катэгорый, першае месца па шопінгу заняў Токіо. У катэгорыі «забавы для дарослых» лідзіруе Бангкок. Лепшыя спартыўныя клубы знаходзяцца ў Буэнас-Айрэсе, а лепшыя музеі — у Маскве.