Грыбны фестываль праводзіцца ў Іспаніі

Іспанія праводзіць для турыстаў чарговы грыбны фестываль, які будзе праходзіць у правінцыі Сарагоса з 25 кастрычніка па 16 лістапада. Такі фестываль праводзіцца ўжо 11 гадоў і складаецца з 18 розных мерапрыемстваў.

Грыбнікі з'язджаюцца ў муніцыпалітэты Сан-Марцін-дэ-ла-Вірхен-дэ-Манкаё (San Martín de la Virgen de Moncayo) і Аньён-дэ-Манкаё (Añón de Moncayo). На фестывалі ўсе жадаючыя змогуць самастойна збіраць грыбы, а таксама паспрабаваць розныя стравы з іх. Акрамя таго будуць праводзіцца лекцыі на экалагічную тэматыку, якія нагадаюць пра асцярожнае стаўленне да лесу.

Праграмай фестывалю прадугледжаны групавыя паходы за грыбамі для дзяцей і дарослых, бясплатныя дэгустацыі вінаў і грыбных страў, прыгатаваных мясцовымі рэстаранамі. Будзе працаваць выстава грыбоў. У многіх рэстаранах прапануюць спецыяльнае грыбнае меню па нізкай цане.