У Хельсинкі навучаць рабіць мультфільмы

Музей фатаграфіі горада Хельсінкі праводзіць майстар-класы па анімацыі, падчас якіх "ажывуць" старыя архіўныя фатаграфіі. Гэтыя мерапрыемствы адбудуцца 29 кастрычніка і 5 лістапада, пачатак у 16:30.
Музей знаходзіцца на тэрыторыі былога кабельнага завода (Kaapelitehdas) у паўднёва-заходняй частцы Хельсінкі, на беразе праліва, які адлучае цэнтр горада ад "спальнага" вострава Лаўтасары (Lauttasaari, Друмсе). Яго адрас: Tallberginkatu 1; найблізкая станцыя метро - Ruoholahti; таксама побач прыпынак трамвая №8.
Пад кіраўніцтвам спецыялістаў усе ахвотнікі прыдумаюць гісторыю ўласнага мультфільма, пазнаёмяцца з тэхнікай "перакладванне", вельмі блізкай да тэхнікі калажу, створаць і агучаць 1-2-хвілінны мультыплікацыйны ролік. Майстар-класы, апроч фінскага, пройдуць на эстонскай і рускай мовах. Дзеці змогуць пазаймацца задарма; кошт квітка для дарослага складзе 60 еўра. А на 7 лістапада запланаваны супольны прагляд прац, на які запрашаюцца як удзельнікі майстар-класаў, так і іх сябры і сваякі.