Найбуйнейшая авіякампанія ў Еўропе — ірландскі «Ryanair» — прадставіла новыя правілы правозу ручной паклажы на борце сваіх самалётаў.
Да нядаўняга часу пасажырам было дазволена праносіць у салон толькі адну адзінку ручной паклажы. Зараз жа дапускаецца таксама мець з сабой другую сумку меншага памеру — 35x29x29 см.
Новая багажныя палітыка авіяперавозчыка выклікала бурную крытыку з боку пасажыраў з-за ўзнікнення дэфіцыту месца на багажных паліцах. Падлічана, што толькі першыя 90 пасажыраў змогуць размясціць на іх свае сумкі. Так як самалёт «Ryanair» перавозiць да 189 чалавек, то толькі менш за палову з іх змогуць падарожнічаць з ручной паклажай .
Новыя правілы таксама адмяняюць вынікі папярэдняга новаўвядзення — размеркавання пасажыраў па месцах, якое дазволіла пазбавіцца ад велізарных чэргаў пасажыраў, якія прыходзяць задоўга да адкрыцця гейта, каб абавязкова заняць месца побач са сваім спадарожнікам. Цяпер жа людзі будуць тоўпіцца, каб пераканацца, што сталі тымі 90 пасажырамі, якія змогуць правезці свае рэчы ў салоне.