У шведскім лесе адкрыўся гатэль на дрэве

У шведскім лесе, прыкладна ў гадзіне язды ад горада Лулеа, функцыянуе незвычайны гатэль. Унікальныя нумары гатэля, выкананыя ў сучасным дызайне, размешчаны пасярод лесу, у сэрцы некранутай скандынаўскай прыроды. Тут можна забыцца пра мітусню паўсядзённага жыцця, адпачыць ад горада і атрымаць асалоду спакоя.

Стваральнікі гатэля натхніліся фільмам «Аматар дрэў» (The tree Lover) шведскага рэжысёра Йонаса Селберга Аўгуста, у якім распавядаецца аб трох жыхарах буйнага горада, якія хацелі вярнуцца да сваіх каранёў, пабудаваўшы дом на дрэве.

Нумары гатэля, да праектавання якіх прыклалі руку вядомыя скандынаўскія архітэктары, знаходзяцца на дрэвах. На вышыні 4-6 метраў над зямлёй. Усе нумары адказваюць высокім стандартам пражывання і маюць від на раку Луле.

Недалёка ад гатэля знаходзіцца вёска, у якой пражывае каля 600 чалавек. Бліжэйшы аэрапорт Лулеа знаходзіцца прыкладна ў ста кіламетрах.